Ужо амаль завершаны наш прафесійны дубляж супергеройскага суперфільма Thunderbolts (ПерунцЫ) ад студыі Marvel, ЗША.
Прыгоды, экшан, драма і гумар — усё тое, што вы любіце ў коміксах.
Рэж. Джэйк Шраер. У расейскім пракаце: Громовержцы.
Пра што кіно:
Адшчапенцы-найміты мусяць працаваць у камандзе супраць кіраўніцы ЦРУ, якая раней давала ім загады чыніць чыкі-пукі па ўсім свеце, а потым загадала пазабіваць адно другога. Паскуда адным словам. Але кіно не пра гэта. Кіно пра тое, што калі чалавек адзін-адзінюткі, то яго паглынае Пустэча…
Ёсць версія, што самотніца Yelena родам з-пад Віцебска (некаторыя пішуць Мёры, гэта таксама Віцебская вобласць). Амерыканцы не разбіраюцца, для іх што было ў Расейскай імперыі — усё Расея. Але Мёры — гэта беларускі горад! Дый прозвішча BELova.
